ALPHA-H Peptide Lip Perfector 胜肽美唇修護精華 15g

【Hakme's Note 💬】

"終於搵到！告別「假潤」，每晚一搽，第二朝個嘴水潤 Pump 漲返！💋✨"

各位 Baby，終於俾我搵到一支唔係搽咗好似冇搽，又或者淨係效果好短暫嘅唇部產品！呢支 ALPHA-H 雖然個名叫「唇部精華」，但佢質地非常滋潤豐盈，用佢已經完全夠頂，之後係唔需要再搽潤唇膏！我連續用咗好幾個星期，個嘴完全冇敏感，無唇炎！最驚喜係用咗大約一星期，感覺個嘴比平日豐盈咗，唔係嗰種刺激性嘅豐唇，而係因為底層夠保濕，令到皺摺少咗，成個嘴好似 Pump 漲翻咁！超級鍾意！

點解我會選佢入舖？(Why I picked this):

✨ 深層修護及撫平唇紋 (Peptide Repair): 含有三胜肽-1 同透明質酸鈉。我用咗一星期左右，見到個嘴冇咁多紋！佢唔單止即時保濕，而係長效鎖水，第二朝洗完面唔即刻搽潤唇膏都唔會覺得乾。

✨ 即時隱形唇紋 + 柔和調色 (Instant Smooth & Tint): 佢帶有好輕微嘅粉紅色，搽上嘴可以令深唇色望落冇咁暗沉。亦因為佢質地滋潤豐盈，一搽上嘴，啲唇紋即刻「視覺上」變得唔明顯，望落平滑。

✨ 淡淡薄荷清涼感 (Soothing Peppermint): 含有 Peppermint，搽上嘴有淡淡、少少涼涼哋好舒服嘅感覺。放心！絕對唔係食麻辣或者搽薑嗰種好辣好刺激嘅感覺，只係淡淡一種少少涼涼哋好舒服嘅感覺。

✨ 持久鎖水防敏感 (Vegan Lanolin): 植物性羊毛脂發揮強大潤膚作用。我每晚臨瞓前搽，第二日起身都仲會感覺到有少少精華留喺嘴度，長效保護之餘，最重要係無引起唇炎！

Hakme 獨家用法 (How to Use):

💡 晚間厚敷修護: 我最推薦嘅用法！每晚臨瞓前搽佢去瞓覺。如果初頭一兩次用，你個嘴本身死皮比較多，第二日起身會見到死皮被軟化、可以輕輕除走。持續用落去個嘴健康咗，就唔會再有呢個情況。佢會喺夜晚默默幫你修護，久而久之，日頭搽唇膏都會更加貼服、更加靚！

💡 素顏單搽: 唔搽唇膏嘅日子，單用佢已經有少少粉潤色澤，望落飽滿。

⚠️ 注意 (Not a Primer): 因為佢質地非常滋潤豐盈，佢係唔能夠用作唇膏打底㗎！ 會令後續唇膏唔上色，所以請留返夜晚或者素顏時享受佢嘅滋潤。

Hakme 推薦給 (Best For):

✅ 極乾 / 多死皮 / 深唇紋人士 (想要真正長效修護，解決乾燥皺摺問題)

✅ 怕惹唇炎/敏感嘅你 (溫和滋潤，我親身實測過關)

✅ 素顏黨 / 夜間修護控 (鍾意第二朝起身個嘴軟熟、Pump 漲感嘅你)

❌ 想搵唇膏打底嘅用家 (太滋潤啦，做唔到底霜，買嚟當 Lip Mask 就最 Perfect)

品牌官方資料

一款滋養型薄荷潤唇護理產品，配方中添加三肽-1，有助促進膠原蛋白生成，預防並淡化細紋。此外，植物性羊毛脂與透明質酸鈉有助修復及滋養雙唇，帶來即刻且持久的保濕效果。 

採用柔軟且富有彈性的舒適塗抹頭，專為外出時能衛生且輕鬆地使用而設計。雙唇看起來更豐盈、更光滑，觸感也更柔軟。

主要優點：

• 滋養並為雙唇補充水分
• 減少細紋及皺紋
• 讓雙唇看起來豐盈水潤
• 注入清新提振的薄荷精油

使用方法：請根據需要直接塗抹於雙唇。 

主要成分：

• 三胜肽-1：一種經研究證實有效的胜肽，有助於明顯淡化細紋與皺紋。
  
  
• 透明質酸鈉：一種能補充肌膚水分的玻尿酸形式，能吸附並鎖住肌膚中的水分，帶來即刻且持久的保濕效果。 
  
  
• 植物性羊毛脂：具有舒緩與滋養功效，植物性羊毛脂能發揮潤膚作用，鎖住水分，讓雙唇豐盈柔嫩。